Reka Biskupinn og það strax.

Hvernig er það með þennan Biskup? Er hann æviráðinn og ekkert hægt að hrófla við honum hvað sem hann gerir? Óþolandi frekjuhundur sem sagði að þeim sem mótmæltu hinni heimskulegu 4 milljarða kristnitökuhátíð á þingvöllum mætti líkja við nasista síðari heimstyrjaldarinnar.

Maðurinn er rakið fífl og dóni að mínu mati, yfirgangsseggur og hálfviti. það ætti að reka hann úr starfi eins og skot.

Ekki það, að þó ég sé af þessu svæði, þá er mér slétt sama hver sinnir þessu heimskulega embætti að vera sóknarprestur. Þjóðkirkjan á að skila sínum eignum til ríkisins, þar með talið öllu landi sem hún hefur fengið frítt. Svo á að skilja hana frá ríkinu í eitt skipti fyrir öll svo þjóðin beri ekki endalaust kostnað af henni, og beri ekki þann kostnað að greiða biskupi laun.


mbl.is Vilja kjósa um sóknarprest
Tilkynna um óviðeigandi tengingu við frétt

Hvað um þá sem greiddu sér arð vegna þessa hagnaðar???

08-01-17_money8-1jpgSegjum svo að það sé ekki hægt að ná þessum skatttekjum... Hvað um þá eigendur og stjórnendur sem greiddu sér út arð vegna hagnaðar fyrirtækja sinna í kjölfar þessara skattsvika? Kallast þetta ekki að skara eld að eigin köku?

Það getur ekki annað en verið að það sé hægt að dæma þá og stinga inn eins og öðrum þjófum. Sá sem stýrir fyrirtæki sínu á þann veg að hann svíkur undan skatti til að auka arð sinn, sá hinn sami er ekki að gera neitt annað en sá sem skilar ekki inn virðisaukaskatti eða tryggingagjaldi.

Hans aðgerðir eru til þess fallnar að rýra veskið hjá okkur hinum til þess eins að bæta í sitt eigið með ólöglegum aðgerðum.

Þennan þátt virðist alltaf vanta í umræðuna. Til dæmis þegar olíuforstjórarnir á borð við stórþjófinn Kristinn Björnsson (eiginmann Sólveigar Pétursdóttur þáverandi Dómsmálaráðherra) voru sóttir til saka af sjálfstæðis og framsóknarmönnum fyrir samkeppnisbrot, og vitað var að það er ólöglegt að dæma einstaklinga fyrir brot á samkeppnislögum. Mjög dæmigert fyrir þessa FLokka.

Af hverju voru þeir ekki sóttir til saka fyrir að greiða sér út aukinn arð í kjölfar samkeppnisbrotanna sem þeir stýrðu? Þeir stýrðu fyrirtækjunum og leika enn lausum hala og munu gera um ókomna tíð með veskin úttroðin af peningunum sem þeir stálu.

Mér finnst að Ríkissaksóknari eigi að sækja eigendurna sem frestuðu að greiða þessa skatta til saka ef þeir hafa hagnast á því persónulega, til dæmis með því að greiða sér út aukinn arð vegna þessara brota.


mbl.is Ríkið á mis við milljarða
Tilkynna um óviðeigandi tengingu við frétt

Í mál vegna IceSave og það stax. Nota tækifærið.

Bankastjórar IceSaveNú er kominn tími til að gefa skít í Bresk og Hollensk stjórnvöld hvað IceSave bullið varðar og það útskýri ég svona...

Þar sem Bretar og Hollendingar hafa nú fellt þá samninga sem þeim hafa verið boðnir vegna IceSave á grunni þess að ríkisábyrgð renni út eftir 15 ár, eða árið 2024, eigum við að gefa skít í þá.

Það er vitað að þjóðinni hefur verið haldið frá sannleikanum um IceSave frá upphafi og við höfum fengið upplýsingarnar í smá skömmtum eftir því sem fréttamenn og rannsóknarblaðamenn hafa grafist fyrir um málið. Þá finnst stjórnmálamönnum ekki koma þjóðinni við hvað verið er að semja um nema þegar þeir neyðast til að standa fyrir málið sínu.

Það er engin ríkis ábyrgð á IceSave. Bankarnir voru stofnaðir af einkaaðilum og því bera þeir ábyrgð. Einu aðilarnir sem bera ábyrgð ásamt þeim eru Bresk og Hollensk stjórnvöld.

Nú eigum við að neita að borga. Engar samningaviðræður meir og ekkert málþóf. Bara segja NEI VIÐ BORGUM EKKI. Við verðum spurð "Af hverju?" og við svörum, vegna þess að við berum ekki ábyrgð á gjörðum þessara manna.

Ekki hafa Nígerísk stjórnvöld greitt fyrir Skreiðaþjófnað síns fólks frá Íslandi, enda um einkaframkvæmd að ræða. Það borgar ekkert ríki fyrir tjón sem einkaaðili veldur í sínum rekstri. Ef ég stofna ávísanareikning í Bretlandi og svík út 10 milljónir, þá hlaupa Íslensk stjórnvöld ekki til og borga fyrir mig. Ónei.

En hvað á að gera?

Við neitum að borga á þeim grunni að við viljum fara með málið fyrir dómstóla. Þar sem Bretar og Hollendingar eru ekki með sameiginlegt ríkjabandalag við Ísland og segja að það sé enginn alþjóðlegur dómstóll sem geti dæmt í málinu byrjum við á að láta dæma í málinu hér heima fyrir Héraðsdómi Reykjavíkur, en þar er varnarþing Íslenska Ríkisins.

Þegar þeir eru búnir að komast að þeirri niðurstöðu að við eigum ekki að borga förum við með málið fyrir Hæstarétt Íslands og látum dæma í því þar. Þá kemur væntanlega sama niðurstaða, og við eigum ekki að borga þar sem við berum ekki ábyrgð skv. íslenskum lögum.

Og hvað gera hinir þá?

Bretar og Hollendingar verða væntanlega æfir (þ.e.a.s. stjórnvöld) og fara með málið fyrir dómstóla þar í löndum. Og viti menn... þar verður sama niðurstaða. Íslenska ríkið ber ekki ábyrgð og þeir verða að taka skellinn sjálfir vegna eftirlitsleysis þar á bæ. Kemur okkur einfaldlega ekki við.

Afleiðingar:

Margir óttast afleiðingarnar, en það þarf ekki. Ef við vinnum málið fyrir dómstólum verða menn að hlíta því. Ekki gleyma að Bretar eru 78 milljón manns og þeir eru til að mynda háðir fiskinum okkar. En segjum svo að þeir eigi nóg af fiski... hvað þá og hvað með Hollendinga?

Jú þeir gætu farið að setja á okkur viðskiptahömlur, en þá getum við farið með það fyrir alþjóðadómstóla og við getum ekki annað en unnið þau mál þar vegna þess að slíkar viðskiptahömlur eru ólöglegar með öllu.

Við förum eins og skot í mál við Breta fyrir að beita okkur hryðjuverkalögum og fyrir að frysta eignir á þeim grunni á meðan eignirnar féllu í verði í takt við aðrar eignir í Bretlandi. Í slíkum málaferlum fengjum við sennilega hundruð, eða jafnvel þúsundir milljarða.

Við förum að sjálfsögðu líka í mál við Hollendinga fyrir að þröngva okkur til að taka þvingandi áákvarðanir varðandi byrgð sem við eigum ekki að bera. Þar koma margir milljarðar til viðbótar.

Við förum í mál við Alþjóða Gjaldeyrissjóðinn fyrir að neita að láta okkur hafa þann pening sem okkur ber á grunni þessara heimskulegu IceSave Einkaskulda. Þar fáum við nokkur þúsund milljarða þar sem þjóðin hefur fengið að svelta fyrir þeirra gjörðir.

Við förum í mál við alla sem við getum sem hafa þvingað okkur í þessu máli og förum í skaðabótamál við alla slíka aðila.

Þegar öllu er á botninn hvolft stöndum við uppi með pálmann í höndunum. Eigum þúsundir milljarða og erum á grænni grein. Þessa peninga getum við notað til að eltast við helvíska útrásarvíkingana og koma þeim fyrir kattarnef.

Kreppan yrði búin hjá okkur og við myndum líta bjartari tíma... reynslunni ríkari.

Lifið heil.


mbl.is Aðeins hægt að breyta Icesave-lögum á Alþingi
Tilkynna um óviðeigandi tengingu við frétt

Frábært framtak þó ekki sé meira sagt.

RéttdræpurMenn virðast í mörgum tilfellum vera hneykslaðir á þessu samkvæmt því sem mér er tjáð, og þá sérstaklega því að það skuli ekki liggja refsing við brotinu, því þá sé þetta einskis vert.

En athugið að svona lög eru ekki refsirammalaus af engu tilefni.

Þetta er gert eins og með reykingar á veitingahúsum. Lögin eru algerlega án refsiramma til að byrja með. Hér áður áttu veitingamenn að skipta staðnum í tvennt, og það mátti ekki berast reykur inn á reyklausa svæðið. Svona var þetta án refsiramma í 12 ár til að vekja menn til meðvitundar.

þar sem menn fóru ekki eftir því voru reykingarnar bannaðar algerlega á veitingastöðum og kaffihúsum og settur refsirammi sem getur varðað leyfissviptingu og fjársektum. Þarna geta veitingamenn og gestir sjálfum sér um kennt, því í mörgum tilfellum stálust gestir til að reykja á reyklausu svæðunum, eða héldu sig á gráa svæðinu sem er rétt fyrir innan reyklausa svæðið.

Þarna stendur fyrst og fremst til að vekja fólk til meðvitundar og það er vonast til að fólk hætti að reykja yfir börnum sínum og annarra. Ef fólk hins vegar gerir það ekki, þá verður settur refsirammi er varðar fjársektir, og jafnvel ökuleyfissviptingu.

------------------------------------------------------------------

Þið sem ætlið að kommenta hjá mér til að verja reykingar yfir börnum... Vinsamlegast gerið það í stað þess að benda á aðra ósiði, eins og að borða í bílum eða annað þessháttar. Komment við þessari grein að að snúast um innihald greinarinnar en ekki eitthvað annað, eins og að banna annað hættulegt, svo sem mótorhjól eða annað eins og svo oft vill vera.

Ég nenni ekki að lesa færslur sem koma málinu ekki við og slíkum færslum verður einfaldlega eytt.

Lifið heil.


mbl.is Bannað að reykja í eigin bíl
Tilkynna um óviðeigandi tengingu við frétt

Madoff og Björgólfur gerðu það sama...

23-lede-madoffMálið er að það tók Madoff 20 ár að stela jafn miklu og Björgólfunum ásamt Jóni Ásgeiri, Lárusi Welding og kumpánum tókst á 20 mánuðum.

Þeir eiga enn lúxusjeppa, þotur, vélsleða, sumarhús, þyrlur og fín föt og spóka sig um í sundlaugunum eins og fínir menn sem ekkert rangt hafa gert á meðan Madoff býr í litlum klefa með risastóra svarta kærustu sem er með stærra typpi en hann, og svo verður næstu 150 árin, eða þar til hann drepst.

Eva Joly er frábær og ætti að vera í starfi Forsætisráðherra í stað Jóhönnu Sigurðardóttur. Ég hef alltaf haft ákveðnar mætur á Jóhönnu sem vini litla mannsins þar til núna. Hún er búin að festa hausinn uppi í borunni á sjálfri sér og er um það bil að selja Ísland úr landi... og inn í stórevrópu þar sem við munum bara drukka öll sem eitt. Hér verður komið upp Tyrkjasamfélag eins og í Svíþjóð áður en við vitum af og rasismi mun hér tröllríða öllu.

Furðulegt að vilja fara þá leið í stað þess að neita að borga IceSave sem við eigum enga sök á og gefa þessum mönnum réttarstöðu grunaðra manna og gera eignir þeirra upptækar eins og gert var við Madoff. Hann á höfði sínu hvergi að halla í dag annarstaðar en í kjöltu svörtu kærustunnar, en það var víti sem hann skapaði sér sjálfur. Hannes Smárason ætti að vera í klefa við hliðina á honum og Finnur Ingólfsson í þarnæsta klefa.

Mikið vildi ég óska þess að ég hefði þær gáfur sem til þarf svo ég gæti veitt Evu Joly brautargengi og aðstoðað hana. Kannski finn ég einhverja leið til þess.

Lifið heil.

 

 


mbl.is Bankahrun líkist máli Madoffs
Tilkynna um óviðeigandi tengingu við frétt

Sumir myndu kalla þetta forræðishyggju... en það geri ég ekki.

Reykingar

Ég er afar sammála þessum lista. Ég reykti hér áður fyrr og hafði sem betur fer vit á að hætta, en mér finnst heimskulegt að reykja og ég þoli ekki að sjá unglinga með sígarettu í kjaftinum.

Það eru ekki nema um 17% íslendinga reykjandi í dag, en það gerir hátt í 60.000 sígarettupakka á dag. Þetta langar mig að sjá í mun minna mæli. það þýðir ansi marga stubba út í náttúruna á hverjum degi... að ekki sé minnst á á ársgrundvelli.

En ef 17% reykja eru 83% sem reykja ekki og þar með á að mínu mati að fara eftir fjöldanum. Við eigum að vera stolt af hreina landinu okkar og eigum því að taka á þessu af festu.

Það er víst staðreynd að það þarf að hækka sígarettupakkann upp í kr. 3.000.- til að standa undir samfélagslegum kostnaði við neyslu þess miðað við að það seljast um 60.000 pakkar á dag á Íslandi.

Það deyja árlega um 400 manns á Íslandi vegna þess að þeir reyktu. Dauðsföll sem rakin eru beint til reykinga. Eflaust er talan mun hærri. Ef allir farþegar köfnuðu að meðaltali tvisvar á ári í Flugleiðaþotum, sem nær tölunni 400 manns, þá myndi sennilega enginn fljúga með Flugleiðum framar.

þá er eftir að taka fyrir þá sem fá ævilanga lungnaþembu, krabbamein, blóðtappa, æðahnúta og þá sem þurfa ummönnun ævilangt. Eitthvað kostar það, og eitt merkilegt... það er búið að reikna það út.

Þar sem ég reyki ekki vil ég ekki þurfa að borga fyrir ófarir þeirra sem velja að lenda í óförum síðar á lífsleiðinni vegna þess að þeir kusu að reykja.

 

Það er orðið fátítt í Formúlunni sem dæmi að bílar séu með tóbaksauglýsingar. Þær hafa nær alveg horfið undanfarin 5 ár vegna banns við tóbaksauglýsingum um alla Evrópu. Ég held meira að segja að þær séu alveg horfnar. Leiðréttið mig ef ég hef rangt við.

Sumir kunna að kalla þetta forræðishyggju. Lesið nú vel...

Þann 1. des 1994 voru bannaðar reykingar í kvikmyndahúsum á Íslandi. Til þess tíma mátti reykja frammi við sjoppuna og á sama tíma mátti reykja á göngum í Kringlunni. Þetta viðgekkst meðal annars á 3 sýningum sem voru ætlaðar börnum.

Var það forræðishyggja að banna reykingar þar? Það varð nánast allt brjálað, en ég er ekki viss um að jafnvel reykingamenn vildu fá reykingarnar aftur í bíóhúsin eða inn í Kringlu.

Árið 1988 bannaði Iðnaðarbankinn reykingar í bankanum. Ekki langar mig að snúa því ferli við.

þetta er víst bara framtíðin og ég vona að fólk sjái björtu hliðarnar á þessu eins og ég. Ég er þess fullviss að enginn heilvita maður eða kona óskar þess að börnin þeirra byrji að reykja.

Lifið heil.


mbl.is Tóbak verði tekið úr almennri sölu
Tilkynna um óviðeigandi tengingu við frétt

Sigum Englunum á þá...

main_logo

Margir hafa nú áhyggjur af uppgangi Hells Angels hér á landi því þeir telja að Englarnir munu hér fremja hrikalega glæpi á borð við fjársvik og jafnvel morð. En hvað er morð? Er það ekki að vera valdur að dauða annars manns.

Hvað skyldu Jón Ásgeir, Björgólfur Thor og Hannes Smárason vera valdir að dauða margra Íslendinga með svikum sínum gagnvart Íslensku þjóðinni? Hvað skyldu þeir vera búnir að myrða marga og hvað skyldu þeir eiga eftir að myrða marga sem í raun falla fyrir eigin hendi þar sem öllu hefur verið kippt undan fótum þeirra?

Hvað skydu útrásarfífl á borð við Bjarna Ármannsson vera völd að sundrung margra fjölskyldna, hjónaskilnuðum, upplausn á heimilum og hörmungum í lífi æsku margra barna með aðgerðum sínum?

Þeir sitja sveittir í velmögnun sinni sem er óheiðarlega fengin og njóta þess að eiga Rolls Royce í Englandi og þyrlur til að ferðast á þegar þjóðin sveltur.

Nú er spurning hvort Ríkislögreglustjóri ætti að semja við englana um að þeir fái sanngjarnan hlut fyrir að innheimta þessar illa fengnu eignir og þetta illa fengna fé sem búið er að stela frá þjóðinni. Ég er nokkuð viss um að það bæri meiri árangur en það sem okkar "ástkær" ríkisstjórn er að gera í dag með (litlum sem engum) aðgerðum sínum.

Lifið heil.


mbl.is Eignir Íslendinga í skattaskjólum jukust um 40%
Tilkynna um óviðeigandi tengingu við frétt

Fáránlegt að kæra þetta.

Aðstandendur fyrirtækisins "Valborg" ættu að skammast sín. Fyrir það fyrsta eru þeir í meira en 10km frá Selfossi og það er ekki eins og fangar hafi of mikið fyrir stafni

Þá finnst mér að það ætti frekar að auka atvinnumöguleikana á Litla Hrauni en að fækka þeim eins og forsvarsmenn Valborgar eru að reyna.

Ef við viljum fá fanga út úr fangelsum sem heilsteypta einstaklinga sem hafa áhuga á að aðlagast samfélaginu á eðlilegum forsendum, þá verðum við að hlúa að þeim á meðan þeir eru inni. Það er mín skoðun.

Lifið heil,

OfurBaldur.


mbl.is Mega bóna bíla á Litla-Hrauni
Tilkynna um óviðeigandi tengingu við frétt

Afskaplega er ég svekktur núna Ólafur.

Ég hef varið Ólaf frá því hann settist að forsetastóli. Nú er sá tími því miður á enda. Við getum sjálfum okkur um kennt að hluta því hann fékk þvílíka útreið þegar hann neitaði að staðfesta lög um fjölmiðla og vísaði þeim til okkar.

Þá tek ég hugmyndum Ástþórs Magnússonar fagnandi þar sem hann mælist til þess að þjóðin fái að kjósa í hraðbönkum og heimabönkum í mikilvægum málum sem þessum.

En nú brást hann Ólafur okkur að mínu mati. Hann átti að vísa málinu til þjóðarinnar.+

Lifið heil.


mbl.is Forsetinn staðfestir Icesave-lög
Tilkynna um óviðeigandi tengingu við frétt

Fullur ökumaður...

Hvað segir það manni þegar einhver veltir jeppa og hleypur í burtu til að láta ekki ná í sig? Annað hvort er bíllinn stolinn eða ökumaðurinn fullur. Þarna var jeppinn fenginn að láni svo ekki var hann stolinn. Vonandi hefur náðst í rassgatið á þeim sem voru þarna á ferð.
mbl.is Yfirgáfu slysstað á hlaupum
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband