Allar reykingar eru ofbeldi í raun...

Það er ofbeldi að reykja ofan í aðra í hvaða mynd sem það birtist. Sjálfsagt má svo meta alvarleika ofbeldisins gagnvart því hvern er reykt ofaní. Hvort það er fílhraustur unglingur, gamalmenni, fatlaður, kona eða barn.

Það er líka ákveðið ofbeldi að reykja ofan í eingöngu sjálfan sig þar sem mengun kemur frá sígarettunni og miðað við allar þær milljarða sígarettna sem reyktar eru á hverju ári má gera ráð fyrir að þessi mengun sé talsverð.

Þá er það svo að ágóði af sölu af sígarettum hrekkur ekki fyrir þeim brjálæðislega kostnaði sem af því hlýst að halda uppi heilbrigðisþjónustu við tóbaksþræla. Á ári deyja um 400 manns á Íslandi vegna reykinga. Það jafngildir tveimur fullum Flugleiðaþotum fyrir utan þá sem verða fársjúkir og má líkja við stórslasaða.

Ef það færust 8 Flugleiðaþotur á ári og af þeim myndu farast 400 manns og sirka 2000 liggja eftir slasaðir, þá er ég ekki viss um að margir keyptu sér flug með slíkum vélum. Jafnvel ekki reykingamenn.

Reykingar með börn í bíl er „ofbeldi“

Athugasemdir

[J. Einar Valur Bjarnason Maack , 17.8.2010 kl. 09:16]

"Það er líka ákveðið ofbeldi að reykja ofan í eingöngu sjálfan sig þar sem mengun kemur frá sígarettunni og miðað við allar þær milljarða sígarettna sem reyktar eru á hverju ári má gera ráð fyrir að þessi mengun sé talsverð."

Baldur minn, þetta er nú býsna talíbanskt frá manni sem sjálfur er ofur-bíladellumaður og hefur með akstri sínum mengað talsvert meira en hver reykingamaður með sínum ávana. (PS. Milljarður er kk orð og því ætti þetta að vera 'þá milljarða').

Sjá hér