Ömurlegt.

Smánarlegt og fíflalegt segi ég.

Það má gera allt fyrir útgerðarmennina. þeir fá helmingsafslátt af olíu á skipin sín, gjafakvóta og ég veit ekki hvað og hvað. En sjómenn... aldeilis ekki. Þeir eru meira að segja látnir taka þátt í kostnaði við olíukaup á dalla útgerðarmannanna. Já það er dregið af launum sjómanna til að setja olíu á skipin.

Eitthvað myndi nú heyrast ef einhverjum rútukarlinum dytti í hug að láta bílstjórann borga af lágum launum sínum hlut af olíu rútunnar.

Þessi afsláttu er of lágur að mínu mati. Ég var á sjó og veit hvað það er að vera fjarri fjölskyldu og vinum bróðurpart ársins. Það er ég ekki viss um að Steingrímur viti svo vel.

Smánarlegt. Það er orðið sem ég nota yfir þessa enn einu árásina á sjómennina okkar.

Boðar afnám sjómannaafsláttar

Athugasemdir

[Finnur Bárðarson, 27.11.2009 kl. 12:27]

Af hverju á að mismuna fólki ? Maður velur sinn starfsvettvang. Fólk er allst staðar að lækka í launum og missa vinnu.

[Baldur Sigurðarson, 2.12.2009 kl. 12:56]

Af hverju að mismuna fólki? Það er spurning.

Af hverju að gefa útgerðarmönnum helmingsafslátt af hráolíu, en ekki verktökum eða atvinnubílstjórum?

Af hverju að láta sjómenn borga af sínum launum í olíu á skipin en ekki rútubílstjóra eða gröfumenn?

Af hverju að láta sjómenn borga matinn um borð þegar verktakar verða að greiða matinn ofan í sína starfsmenn þegar þeir eru komnir 10km út fyrir höfuðstöðvar fyrirtækisins?

Að mínu mati er sjómannaafslátturinn snautlegur miðað við það hvað þeir þurfa að borga og ætti að hækka frekar en að hverfa.