ER MEÐ HUGMYND...

Hvernig er það... Er ekki bara best að ganga frá þessu að öllum skilyrðum Breta og Hollendinga uppfylltum, skrifa undir alla samningana, og svo fer hópur íslenskra þegna í mál við þessar þjóðir, Alþjóða Gjaldeyrissjóðinn og alla þá sem hafa staðið í vegi okkar og kúgað okkur vegna IceSave?

það er ljóst að það er verið að kúga okkur til að greiða. Svo mikið er víst. Við eigum ekki að greiða þetta en vegna smæðar okkar trampa Bretar á okkur eins og sígarettustubbi og neyða okkur til að skrifa undir.

Nú er ráð. Skrifum undir, göngum að öllum þeirra kröfum en verum dugleg við að láta í okkur heyra varðandi að þetta sé kúgun og valdbeiting... eins og Jóhanna reyndar hefur verið dugleg við.

förum svo af stað með lögfræðingana okkar. Ragnar Aðalsteinsson, Brynjar Níelsson og þessháttar frábæra karla sem þekkja umhverfið eins og lófann á sér.

Förum í mál við þessar þjóðir og látum fyrst dæma hér heima. Það lendir okkur í hag.

Látum þá reyna á málið fyrir dómstólum í þerra eigin löndum. Það lendir einnig okkur í hag.

Förum þá með málin fyrir alþjóðadómstóla. Það lendir okkur í hag.

Förum í mál við Alþjóða Gjaldeyrissjóðinn fyrir að svelta okkur og svína á okkur vegna IceSave.

Þá er of seint fyrir Breta og Hollendinga að beita okkur bolabrögðum þar sem ríkið gekk að kröfum þeirra.

Þeir verða að bakka, ógilda samninginn og borga okkur þúsundir milljóna í skaðabætur.

Við stöndum uppi sem ríkasta þjóð heims pr/haus, kreppan búin og allir kátir... nema kúgararnir.

Ræddu um Icesave fram á nótt