Heimskulegt þó ekki sé meira sagt.

Þetta kallar maður afturhvarf til fortíðar. Fullyrðingin um að bjórsala hafi dregist saman er röng. Þarna er skotið út í loftið og ekki stuðst við rannsóknir sem farið hafa fram í kráargeiranum í Bretlandi. Þá skal það tekið fram að rúmlega 2000 nýjar krár opnuðu í Bretlandi í fyrra, svo það er ekki eins og um einhvern samdrátt hafi verið að ræða.

á Norður Írlandi hefur bjórsala stóraukist í kjölfar reykingabannsins. Æ fleiri sem ekki fóru á pöbb áður fara nú þegar líft er þar innandyra. Ég er nokkuð viss um að þessari glufu verður lokað og það fljótlega. Mér finnst þetta heimskulegt.

Hvernig væri nú að opna svona rannsóknarmiðstöð í bönkum á Íslandi svo menn geti farið að reykja innandyra þar eins og var hér árið 1988 þegar reykingum var úthýst úr íslenskum bönkum.

Nú eða í framhaldsskólum. Þar mátti reykja til ársins 1996 og eins í kvikmyndahúsum.

Nei svona fíflagangur er fáránlegur og ég vona að hún fái dóm fyrir athæfið.

Ég held að blaðamenn mbl.is ættu að kynna sér staðreyndir áður en þeir fullyrða um töluleg gildi fyrir augum almennings.

Ráðagóður kráreigandi

Mótorhjólið mitt.

Hér gefur að líta mótorhjólið sem mér finnst svo óskaplega gaman að aka á.

Um er að ræða Yamaha Dragstar 1100cc árgerð 2006, ekið 9.000km þegar myndin var tekin um daginn.

Áður ók ég á Harley Davidson Low Rider 1450cc árg 2002 ekið 45.000km. Ég er mun sáttari við þetta hjól þó Harleyinn sé stórkostlegt hjól. Þetta skilar svipuðu afli en er tæpum 100kg léttara.

Ég mæli með slíku hjóli fyrir nánast hvern sem er þar sem þessi hjól eru mjög áreiðanleg og bila nánast aldrei.

Daewoo Lanos til leigu frá kr. 5.000.- pr. dag

Þessi bíll er til leigu.

Um er að ræða þriggja dyra Daewoo Lanos sem er fínn bíll. Ekinn tæplega 90.000 og er með nýja tímareim.

15 tommu felgur og low profile sumardekk sem valda því að hann liggur mjög vel. Dekkin eru frekar breið þannig að hemlunarvegalengd er mjög góð.

Verðið er kr. 5.000.- á dag miðað við ótakmarkaðan kílómetrafjölda og lágmark 4 daga. Miða ég við að honum sé skilað á sama tíma dags og þegar hann er tekinn. Annars er verðið kr. 6.000.- fyrir stakan dag.

Er einnig til í að ræða lægra verð sé hann tekinn í lengri tíma.

Bíllinn er svo til sölu á kr. 180.000.-

Baldur. 699-6363 / [e-mail]

Skemmtileg útfærsla á Suzuki Intruder 1400

Hér ber að líta mynd af Suzuki Intruder 1400 sem er búið að hrásmíða. Ferlega töff útfærsla... ekki satt?

25 ára afmæli Sniglanna.

Ég óska Bifhjólasamtökum Lýðveldisins Sniglum hjartanlega til hamingju með 25 ára afmælið sem er í dag þann 01. apríl 2009.

Ég gekk í Sniglana fyrir 23 árum, eða þann 23. janúar 1986 og lít ég á Sniglana sem mína aðra fjölskyldu. Þar eru bestu vinir mínir og hafa verið um langt skeið.

Sniglarnir hafa mótað mig mikið í gegnum tíðina, en þar hef ég kynnst mörg hundruð manns sem ég þekki í dag um allan heim. Ef ég hefði sem dæmi ekki gengið í Sniglana, þá hefði ég aldrei kynnst höfðingjum á borð við Hjört Líklegan #56, Heidda #10, Bryndísi Guðjónsdóttur #66 eða Steina Tótu #161 svo dæmi séu tekin. Þetta eru aðeins örfá dæmi um aðila innan samtakanna sem göfga þá sem þeim kynnast og hafa mótandi áhrif á viðkomandi sem hreinlega gerir þá að heilsteyptari og betri einstaklingum. Þá eru margir ótaldir.

Sniglarnir eru í sérstöku uppáhaldi hjá mér vegna þess að innan raða Sniglanna er eins breið flóra af mannlífinu og hugsast getur. Jafn fjölbreitt og sú flóra manna sem maður mætir í Kringlunni á Þorláksmessu. Sjómenn, verkamenn, auglýsingateiknarar, verktakar, læknar, prestar, lögfræðingar og svo framvegis. Þá hafa safnast í raðir Snigla aðilar sem eru afar fróðir og hjálpsamir. Samkenndin og samstaðan hefur verið ótrúlega áberandi á meðal félagsmanna og hef ég aldrei kynnst öðru eins.

Sniglarnir hafa unnið meira starf í þágu mótorhjólamanna en dæmi eru um hjá nokkrum öðrum. Segja má að Sniglarnir séu rótin á trénu sem spannar hjólamenninguna í dag, alla klúbbastarfsemi og öll samskipti mótorhjólamanna. Þá voru Sniglarnir þegar farnir að skipta sér af hjálmlausum ökumönnum og illa búnum farartækjum í umferðinni þegar ég gekk í raðir þeirra svo saga umferðarátaks Sniglar nær nánast til upphafsins.

Margir klúbbar hafa verið stofnaðir upp úr Sniglum (þ.e. af meðlimum Sniglanna) sem ekki hefðu þekkst nema fyrir tilstilli Bifhjólasamtakanna. Því má segja að allir Bifhjólamenn landsins eigi Sniglum mikið að þakka, og að mínu mati eru saga Sniglanna stórlega vanmetin.

Megi Sniglar lengi við lýði verða.

OfurBaldur, Stoltur Snigill nr. 177

Davíð sagði ekki hægt að fara í viðræður.

Á sínum tíma, þegar Davíð Oddson var forsætisráðherra sagði hann að aðildarviðræður væru ekkert sem hægt væri að fara í. Annað hvort sæktu menn um í Evrópusambandið eða ekki. Viðræður gætu ekki snúist um neitt annað en beina umsókn.

Nú gaspra sjálfstæðismenn hverjir um aðra þvera varðandi viðræður, en mér þætti gaman að vita hvaða viðræður er um að ræða, og hvað hefur breyst síðan Davíð ríkti.

þegar við gengum inn í ESB lofaði Jón Baldvin Hannibalsson okkur því að tollar yrðu felldir niður á svæðinu innan ESB. Daginn sem við undirrituðum samninginn voru tollarnir felldir niður, en VÖRUGJÖLD tekin upp í staðin sem báru sömu prósentu, en lögðust á fleiri flokka, svo það hækkuðu álögur á okkur þvert ofan í það sem Alþýðuflokksmenn (nú Samfylkingin) lofuðu okkur.

Hvað þýðið það að ganga inn í ESB með land sem hefur ekkert upp á að bjóða nema eymd og volæði, örfáa íbúa sem spanna færra fólk en það sem býr á Heathrow flugvallasvæðinu í London og á ekkert nema skuldir.

Mér líst ekkert á þetta og segi því NEI við öllum slíkum tilburðum, og ég lít á að það sé landráð að koma okkur inn í ESB núna því það væri nánast það sama og að svipta okkur sjálfstæði og koma okkur undir aðra þjóð.

Leggja til tvöfalda atkvæðagreiðslu

Karlrembusvín Sameinast...

Fréttablaðið, 25. feb. 2009 06:00

Að sögn Ofur-Baldurs (3. frá vinstri) eru ýmis markmið sem vert er að stefna að til að stemma stigu við yfirgangi kvenmanna. Lengst til vinstri er Geiri á Goldfinger sem er heiðursforseti samtakanna.fréttablaðið/valli

Félag íslenskra karlrembusvína er í bígerð. Þrettán hundruð karlar hafa lýst áhuga á þátttöku. „Við ákváðum að ganga alla leið. Og erum nú að undirbúa stofnun formlegs félagsskapar," segir Baldur Sigurðsson, sem enginn þekkir undir öðru nafni en Ofur-Baldur.

Í gær hittust til að undirbúa stofnun Félags Íslenskra Karlrembusvína (FÍK) nokkrir karlar á veitingastað í Færeyska turninum í Kópavogi. Fyrir nokkru stofnaði Ólafur Guðlaugsson tónlistarmaður hóp á Facebook undir þessu nafni. Og áður en menn vissu af voru allt í einu komnir tæplega þrettán hundruð félagar. Að sögn Ofur-Baldurs, sem er einn forvígismanna samtakanna, átti enginn von á svo góðum viðtökum.

Ofur-Baldur, sem starfar sem sjálfstæður hreingerninga- og tónlistarmaður, segir félaga í FÍK koma úr öllum áttum. Og nú er stofnfundur í undirbúningi og því ekki rétt að tala of frjálslega um helstu stefnumál. Þau liggja einfaldlega ekki fyrir. En þó er hugmyndin að styrkja góð málefni og ekki sé meiningin að kúga konur heldur þvert á móti. „Okkur vantar athvarf fyrir karla þar sem þeir geta verið með sína rembu. Við ætlum í rútuferð og ganga svo eitthvað niður í móti. Kannski rölta niður Kambana og svo bíða rúturnar þar sem við getum sest og fengið okkur bjór. Og rætt okkar málefni."

Baldur segir fyrirliggjandi að karlmenn séu kúgaðir í dag og það sé ekkert gamanmál. „Ég á reyndar ákaflega sanngjarna konu. En þetta er staðreynd. Það er talsvert um að jafnréttið hjá kvenfólki snúist alls ekki um jafnrétti heldur beinlínis yfirgang kvenna í mörgum tilfellum."

[e-mail]

Opinberun Jóhannesar Georgs miðvikudagur, 18 febrúar 2009

(Tekið af vef Útvarps Sögu. Mögnuð lesning)

Þetta er opinberun Jóhannesar Georgs, skosks sjáanda sem hefur séð marga atburði fyrir, t.d. forsetakjör Obama, skógareldana í Ástralíu, og efnahagshrunið á Íslandi.

 

Hér á eftir er lausleg þýðing úr ensku á sýn hans á framtíð Íslands á næstu árum.

 

 

2009: Forsætisráðherra nýju ríkisstjórnarinnar, Jóhanna, er heiðarleg og dugleg, en því miður fær ríkkistjórn hennar fáu áorkað til góðs. Orsök þess er mikil ringulreið og óeining í þinginu og stjórnkerfinu. Fátt gengur í haginn. Það tekst að koma Davíð úr Seðlabankanum og skipa einn Seðlabankastjóra, en það breytir litlu um efnahagsöngþveitið. Atvinnuleysi eykst, fólk missir eignir sínar. Þúsundir fólks flytja úr landi á þessu ári, mest til Noregs og Kanada, en
einnig til fleiri landa.

 

Seinast í Apríl verða kosningar til þings. Nokkur ný framboð taka þátt í kosningum, en ekkert þeirra fær mann á þing, heldur taka þau fylgi frá Samfylkingu og Vinstri grænum. Framsóknarflokkurinn vinnur góðan kosningasigur og Sjálfstæðisflokkurinn fær frekar slaka útkomu.  Þessir flokkar fá nauman meirihluta saman, og mynda ríkisstjórn að loknum kosningum, við lítinn fögnuð þjóðarinnar. Verðbólga minnkar á fyrri hluta ársins, en stígur í yfir 30% í árslok 2009.

 

2010: Skelfilegt ár. Ríkisstjórn sjálfstæðis/Framsóknar, umsnýr öllu sem fyrri ríkisstjórnin gerði. Allar stöður eru pólitíkst skipaðar samkv. helmingaskiptareglu flokkanna. Verðbólga nær 50% Eini atvinnuvegurinn sem blómgast sem aldrei fyrr er dópsala. Atvinnuleysi nálgast 20%. Glæpaalda gengur yfir höfuðborgarsvæðið. 20.000 manns flytja úr landi, aðallega af höfuðborgarsvæðinu. Samt er ástandið betra í sumum landshlutum, þar er þokkalegt atvinnustig, og minni glæpir og eiturlyf. Dæmi um slíka staði eru: Vestmannaeyjar, Hornafjörður, Dalabyggð. Snæfellsnes, Vopnafjörður. Fólk sækir á alla þessa staði úr eymdinni og glæpunum á Höfuðborgarsvæðinu. Hjónaskilnaðir slá öll met.

 

2011: Miklar óeirðir í landinu. Byggingar og jafnvel heilu hverfin brennd í þessum óeirðum. Lögreglan ræður ekki við neitt, þótt hún sé nú öll búin skotvopnum. Útgöngubann í Reykjavík. Atvinnuleysi og þjóðargjaldþrot blasir við. Ríkisstjórnin er óstarfhæf. Daglegir götubardagar á seinni hluta ársins. Fengin óeirðalögregla búin vopnum frá Danmörku til að stilla til friðar, en það hjálpar lítið. 20.000 manns flytja úr landi.

 

2012: Olíuleit norðaustan við Ísland. Miklar vonir bundnar við hana. Annars flest í ólesti. Vopnuð átök í Reykjavík. Jarðskjálfti gengur yfir Selfoss og Hveragerði og veldur miklum skemmdum. 25.000 flytja úr landi.

 

2013: Niðurstöður olíuleitar valda vonbrigðum. Ekki hagkvæmt að vinna olíu, amk. miðað við nútíma tækni. Ísland er endanlega lýst gjaldþrota. Evran kostar 2000 krónur. 150% verðbólga. 20.000 flytja úr landi.

 

2014: Ísland óskar eftir aðild að Evrópusambandinu EU. En þessari umsókn er hafnað í Brussel. Alþjóðagjaldeyrissjóðurinn tekur við stjórn landsins, ríkisstjórn og forseti eru rekin úr störfum, og þingið leyst upp. Í lok ársins, taka Bandaríki Norður Ameríku USA. Við stjórn Íslands í umboði Alþjóðabankans. Obama forseti USA, er á þessum tíma kominn á kjörtímabil nr. 2. Það gekk vel að komast út ur kreppunni í USA. Staða Íslands undir stjórn USA, verður svipuð og staða Puerto Rico. Sem sagt öll stjórn frá Whasington, en bæjar og sveitarstjórnum verður leyft að starfa, undir ströngu eftirliti.

 

Á þessum tíma er íbúafjöldi Reykjavíkur um 50.000, og alls landsins um 200.000 í stað 320.000, árið 2008. Þriðjungur þjóðarinnar er fluttur úr landi.

 

Dæmi hver fyrir sig.

Ótrúlega flott undirföt...

Hún Jamie Eason kann sko svo sannarlega að klæða sig ef marka má þessar myndir af henni. Hún hefur aldrei verið sérstaklega þekkt fyrir að vera ofhlaðin fitu, enda starfar hún sem Fitness Módel í dag.

Hún er 32 ára og er nú sennilega á síðustu metrunum varðandi að starfa sem undirfatamódel, en það virðist fara henni alveg fanta-vel miðað við aldur í það minnsta.

Ég er reyndar ekki með tegund undirfatanna á hreinu, enda gæti mér ekki verið meira sama. Ég er ekkert að fara að máta þau hvort eð er.

Fyrir þá sem vilja vera á reiðhjólum á veturna...

Þetta er nú eitthvað fyrir okkur Íslendingana. Reiðhjól með skíði og beltisdrifið. Kemst leiðar sinnar í vetrarfærð vegna mikils flots.

Framleiðandinn er K-Track og framleiða þeir þetta kitt. Hægt er að setja það á flest allar gerðir reiðhjóla.