Trúi þessu ekki. Bull og aftur bull.

Það er alveg á hreinu að ég trúi þessu ekki. Að mínu mati er búið að taka þetta úr samhengi á einhvern hátt. Ég myndi vilja sjá spurningarnar og svörin til að draga ályktun.

Ég trúi því ekki að það sé skoðun 48% Norskra karlmanna, að konur beri að öllu leyti eða hluta ábyrgð á því að þeim sé nauðgað ef þær hafa daðrað opinskátt áður en þær verða fyrir árás.

Hvað er til dæmis átt við með því "að bera að hluta ábyrgð"? Fyrr mætti vera mannvonnskan í hálfri karlmannastétt heillar norðurlandaþjóðar.

Maður gæti frekar trúað þessu upp á heittrúaða múslima á þeim svæðum þar sem konur njóta minni virðingar en hundar, án þess að ég ætli að fara að lasta hunda eða múslima. Þeir eru eflaust báðir ágætir.

Svona kannanir eru stundum settar þannig upp að þær henti þeim sem kalla eftir þeim, til dæmis með villandi spurningum. Norðmenn sem ég hef kynnst eru ekki ólíkir íslendingum í hugsun svo mér finnst þetta vera algerlega óhugsandi. 

Konunum sjálfum að kenna

Athugasemdir

[Ólafur Þórðarson, 26.4.2007 kl. 02:44]

Takk fyrir linkinn, Elísabet.

Sláandi skýrsla. Annað vert að benda á er að 24-38%  segja konuna líka alveg eða hluta ábyrga, ef hún hefur ekki sagt NEI nógu skýrt, er ölvuð, klæðir sig sexý eða er að þvælast ein einhvers staðar. Bls. 17.

Sláandi.

Kemur kannski ekkert á óvart því konur (og menn) eru sífellt sett í furðulegt hlutverk í þessu blessaða þjóðfélagi okkar. Klámiðnaðurinn, súlustaðir, tal um að lögleiða vændi, taumlaus samkeppni við alla í kring... osfrv. -þetta er ekki beint siðferðilega uppbyggjandi.

[Haukur Viðar, 26.4.2007 kl. 03:24]

Jæja, nú hendi ég A-ha safninu út á hafsauga

[Guðrún Jóhanna Ólafsdóttir, 26.4.2007 kl. 08:49]

Ja svei, ég mun aldrei halda upp á 17 maí framar..... það er nokkuð víst.

[Tryggvi H., 26.4.2007 kl. 10:00]

stopp the press, satt http://tryggvih.blog.is/blog/tryggvih/entry/189195/