Já hvílíkt RUGL...

Þetta er með ólíkindum. Er þetta það sem hin nýja Ríkisstjórn ætlar að bjóða okkur uppá? Ég hélt að þessi Ríkisstjórn ætlaði að svara röddum fólksins í landinu og fólkið vill Hvalveiðar. Mikill meirihluti Íslendinga eru hlynntir hvalveiðum.

Það er einkennilegt þegar svo mjög kreppir að og við sjáum fram á að hirða 10 milljarða... (tíu þúsund milljónir) upp úr hafinu, að draga bara þá heimild til baka án þess að koma með nokkurt útspil á móti.

Það er mikið kjöt á einum hvali. Og það þyrfti endilega að koma því meira inn í þjóðarsálina að við borðuðum meira af hvalkjöti því það er bæði mjög gott og bráðholt.

Ég fer ekki ofan af því að ólöstuðu að mér finnst Ríkisstjórnin vera að taka ranga ákvörðun þarna og ég vona að fólk bregðist nú við og mótmæli þessu. Hvar eru mótmælendurnir núna?

 

Ákvörðun um hvalveiðar í endurskoðun

Jóhanna... líttu til Japans. Þeir eru ekki að einhverju væli.

það er frábært að lesa um hve Japanir eru staðfastir og láta ekki blekkjast af fáránlegri hugmyndafræðu þess efnis að hundruð þúsunda hvala séu í útrýmingarhættu. Þeir hlusta ekki á bölshótanir Bandaríkjamanna, sem sjálfir veiða hvali.

Kanadamenn veiða þá líka og einnig eru þeir veiddir í Alaska, á Grænlandi, í Færeyjum, víða í Afríku og meira að segja í Indónesíu. Aldrei er talað um það.

Nei það er alltaf ráðist á Japani og Íslendinga. Við eigum ekki að hlusta á svona bull og eigum bara að veiða okkar hvali og það í mun meira magni en gert hefur verið. Það er ekki bara nóg til af þeim... það er meira en nóg til af þeim.

Japanar neita að hætta vísindaveiðum

Rússnesk járnbrautarkirkja

Rússar kunna sko að bjarga sér. Hér á landi keppast menn hverjir um aðra þvera í að safna tugum og jafnvel hundruðum milljóna til að byggja glæsilegar kirkjur og/eða rífa gamlar og endurbyggja með því að nota gamla timbrið aftur svo allt sé nú sem upprunalegast.

En Rússar hugsa meira um trúna en trúarsnobbið sem við höfum svo mikið af. Hér er semsagt gamall ál-járnbrautarvagn sem hafði verið lagður af og hans beið ekkert annað en eyðilegging. En gott ál ryðgar ekki og endist ótrúlega vel.

Þá datt einhverjum það snilldarráð í hug að nota hann í kirkjubyggingu. Spurning um hvort við ættum að nýta gamla gáma í kirkjur í framtíðinni. Takið eftir turninum.

Í einhverjum tilfellum hafa þeir svo lagt saman tvo vagna eða fleyri, rifið innri hliðarnar úr til að búa til meira rými fyrir kirkjugesti.

Svo er hægt að nota nærliggjandi vagna fyrir safnaðarheimili, fermingarfræðslur í kristnum söfnuðum og náttúrulega undir brúðkaupsveislur.

Það hefur lengi loðað kreppuástand hjá Rússum og kannski getum við lært eitthvað af þeim á þessum erfiðu tímum.

Terminator-Mótorhjól

Hér gefur að líta prototýpu (frumgerð) að nýjasta mótorhjólinu sem verður notað í næstu mynd um tortímandann ógurlega. Hjólið á semsagt að vera hluti af varnarkerfi Skynet sem er óvinur mannkyns í þessum mögnuðu myndum.

Óhætt er að segja að hjólið sé nokkuð magnað í útliti og minnir einna helst á þau hjól sem oft eru nefnd Rat-bike, en þau eru frekar ógeðsleg á að líta og bannað er að þrífa þau.

Það er eiginlega bara hægt að sjá á afturljósinu hvernig þetta snilldar mótorhjól snýr, þ.e. í hvaða átt því er ekið. Upprunann þekki ég ekki en felgurnar eru sennilega af Kawasaki hjóli.

Góð til síns brúks...

Það verður afar merkilegt að fylgjast með Katrínu Jakobsdóttur í ráðherraembættinu. Ég tel Menntamálaráðuneytið reyndar vera rétta vettvanginn fyrir hana ef hún á að fá embætti ráðherra á annað borð.

Katrín hefur þó stuðað mig allnokkuð í gegnum tíðina og mér fannst ekki mikið til hennar koma þegar hún gekk út af þingi og slóst í hóp snælduvitlausra mótmælenda sem gerðu hróp og köll að lögreglumönnum sem stóðu vaktina fyrir utan Alþingishúsið.

En batnandi fólki er best að lifa og kannski var þetta alveg rétt sem hún var að gera. Ég var þarna á staðnum og fannst þetta ekki sniðugt. Nóg var um leiðindi þó maður þyrfti ekki að horfa upp á þingmenn taka þátt í að skamma lögregluþjónana.

En hún er ung og fersk, brosmild og þokkalega útlítandi. Hún er það tiltölulega nýkomin af skólabekk að hún ætti að hafa sæmilega tilfinningu fyrir þörfum nemenda þó ekki sé meira sagt. Hún er örugglega góð til síns brúks. Hvernig ráðherra hún verður mun væntanlega koma í ljós.

Ógleymanlegur afmælisdagur

Kremjari til sölu.

Þessi frábæri bílakremjari er til sölu á ebay. Ef þig langar að skapa þér atvinnu í kreppunni, þá er þetta tækifærið. Hann fæst fyrir 100.000 dollara sem eru um 12 milljónir, og þá á reyndar eftir að koma honum hingað heim. Hann er árgerð 1991 og er sagður í frábæru standi.

Svo þegar þú hefur enga bíla til að kremja, þá má nota hann í að kremja allt annað, svo sem yfirgefið íbúðarhúsnæði (kannski ekki úr steypu) en það er alltaf að aukast,  gamla strætisvagna, eða bara hvað sem þér getur látið þér detta í hug að kremja.

Það besta er, að það fylgir honum fjarstýring þannig að það minnkar áhættuna að maður kremjist sjálfur þegar maður er að vinna við hann.

Umhverfisvæn Limmósína...

Þá er loksins komið að því að maður getur farið að sjá alvöru bíla á götunni án þess að hneykslast upp að öxlum yfir því hvað hann "hlýtur" að eyða miklu.

Hér gefur að líta fyrsta Twin-Hybrid Limmóinn. Þetta er semsagt Gas-Rafknúinn Chevrolet Tahoe sem er að mestu smíðaður úr plasti að ytrabyrði. Afar umhverfisvænn, endurvinnanlegur, hagkvæmur og ekki síst flottur.

Í honum eru öll þægindi svo sem tveir kokteilbarir, smíðaðir úr endurvinnanlegu fíber-efni, nokkrir flatskjáir og sitthvað fleira. Alveg Gasalega flottur bíll. 

Hvalveiðar er málið. Því meira, því betra.

Þetta þráláta bull um að hvalir séu í útrýmingarhættu er nú orðið nokkuð þreytandi. Ég er fyrrum sjómaður og veit að árið 91 og 92 þegar ég var sem mest á sjónum gat maður verið nokkur vegin viss um að sjá hval, hvar sem maður var staddur á skipinu, svo lengi sem það var bærilegt veður. Þeir skipta hundruðum þúsunda þessar skepnur.

Í dag eru þeir miklu fleiri enda gera hvalaskoðunarbátar út á að það sé öruggt að sjá hval, ef ekki, þá fæst miðinn endurgreiddur.

Hvalaverndun snýst bara um eitt. Og það er að raka saman fé af illa upplýstu einmana forríku fólki sem heldur að það sé að gera heiminum gagn. Hvalurinn étur svo mikið af fiski að það er óhugnanlegt. Einhverra hluta vegna er ekki eytt milljónum í að merkja hvalastofninn til að gera sér grein fyrir stærð hans, og það er nákvæmlega vegna þess að það er ekki hagkvæmt fyrir þá sem standa í hvalafriðun, og þeir eru háværastir.

Munið bara máltækið: Hæst bylur í tómri tunnu.

Nú vill Jóhanna Sigurðardóttir (sem langar að verða forsætisráðherra)  afturkalla heimild til hvalveiða þegar og ef ný ríkisstjórn hennar tekur við völdum. Hvað er Jóhanna að spá?

Hefur hún ekkert peningavit? Ég man vel hvernig hennar stjórnartíð var þegar hún var í heilbrigðisráðuneytinu og hvernig peningastjórnunin var þar. Ég man eftir niðurskurðinum sem þurfti að fara í á eftir. En er ég sá eini sem man það?

Nú vill hún ekki skera niður í heilbrigðisgeiranum, nákvæmlega eins og síðast, og vill ekki auka tekjur þjóðarbúsins með hvalveiðum, og Steingrímur vill skila láninu frá Alþjóða Gjaldeyrissjóðnum og svo framvegis... Hvað er þetta fólk að spá?

Ég er búinn að bíða þessarar stundar lengi. Bíða þess að auðvaldsseggirnir og spillingarráðherrarnir hrökklist frá völdum svo almennilegt fólk komist að, og hvað þá? Er þetta það sem manni er boðið uppá?

Hvað á þá að gera? það er ekki nóg að tala um að það verði að hlúa að fólki og hlúa að heimilunum í landinu og hlúa að þessu og hlúa að hinu.

ÞAÐ VERÐUR AÐ GERA EITTHVAÐ Í MÁLUNUM OG ÞAÐ ÞARF AÐ GERA OKKUR GREIN FYRIR ÞVÍ HVAÐ TIL STENDUR AÐ GERA.

Við héldum í miðju "góðærinu" að peningarnir yxu á trjánum, því Geir H. Haarde sagði okkur það, og Hannes Smárason sýndi okkur hvernig það virkaði, en það var tálsýn, og staðreyndin er sú að við verðum að afla okkur tekna, meðal annars með hvalveiðum.

Guðjón Arnar Kristjánsson, formaður Frjálslynda flokksins er maður dagsins að mínu mati. Hann áttar sig á því hve mikið er til af hval í sjónum og þeim skaða sem hvalir valda mannkyninu daglega með ofáti sínu, enda er Guðjón, eins og ég, fyrrum sjómaður.

Hvalurinn setur hnút í Frjálsynda

Davíð ritstjóri Morgunblaðsins...

í DV í dag kemur fram að Sjálfstæðisflokkurinn hafi unnið að því að koma Mogganum í hendurnar á mönnum, hliðhollum Sjálfstæðisflokki og að Davíð hefði átt að gerast ritstjóri þar eftir rúman mánuð. Með slíkri tilfærslu hefði Davíð sloppið við að vera rekinn úr Seðlabankanum og þar með hefði sjálfsagt myndast sátt um hann að mati  Sjálfstæðismanna. Skyldi þetta vera rétt?

Hvar á þetta að enda? Hvenær ætla Sjálfstæðismenn að skilja að svona stjórnarhættir eru ekki mönnum bjóðandi? Hvað er það sem þeir ekki skilja varðandi það að þjóðin vill Davíð burt úr Seðlabankanum og það fyrir löngu.

Geir H. Haarde talar um að Samfylkingin sé sundurtætt, en er betra að vera með gjörspilltan stjórnmálaflokk en sundurtættan? Það er í það minnsta hægt að raða brotum saman í erfiðu púsluspili ef þrautseigjan er nægilega mikil, en það lagar enginn spillingu nema með uppstokkun og góðum vilja sem virðist ekki vera til staðar hjá Sjálfstæðismönnum um þessar mundir.

Jóhanna Sigurðardóttir er að mínu mati frábær manneskja. Hún vill vel, vinnur vel að jafnréttismálum og vann vel að því að hlúa að litla manninum þegar hún var í stjórnarandstöðu með þrálátum tilraunum til að leggja fram frumvörp til laga um lágmarkslaun... eða þar til hún komst til valda. Hún hefur að því er mér virðist misst áhugann á lágmarkslaununum eins og staðan er í dag.

Hún á að mínu mati ekki erindi í Forsætisráðuneytið. Hún er fín í Félagsmálaráðuneytið, en ég vil ekki sjá hana í stóli forsætisráðherra.

Eins og staðan er í dag vil ég ráða ópólitískan fjármálasnilling sem hefur víðari sýn en pólitíkus. Sem dæmi myndi ég nefna nöfn eins og Ólaf Jóhann Ólafsson rithöfund, fyrrum forstjóra Sony og Óskar Magnússon fyrrum forstjóra Íslandssíma sem bjargaði Hagkaupum á sínum tíma og sameinaði gjaldþrota fyrirtæki Íslandssíma og Tal sem varð að Vodafone veldinu. Ég vil borga þessum mönnum góð laun svo þeir fáist til starfans.

Slíkir menn koma vel fyrir, eru öfga klárir og framkvæma án þrýstings frá spillingaröflum stjórnmálamanna.

Ég veit ekki frekar en aðrir hvað framtíðin ber í skauti sér, frekar en Völva síðasta árs sem sá hrunið ekki fyrir. Ég vona þó það besta.

 

„Samfylkingin bugaðist"

Stjórnarsamstarfi lokið... Hvað næst?

Þó ég sé ekki oft sammála Geir H. Haarde, þá er ég sammála honum um að Samfylkingin er sundurtætt þessa dagana. Ég sé ekki hver hefði átt að taka við forsætisráðherrastólnum að svo stöddu. Össur kannski. Ég held ekki.

Spurning hvort stutt sé í að Sjálfstæðisflokkurinn liðist í sundur eins og Samfylkingin. Það kemur í ljós.

Sennilega hefðu mótmælin bara haldið áfram hefði þessi ríkisstjórn haldið velli með breyttu fyrirkomulagi því ég sé ekki að Samfylkingin hefði verið með lausnina á reiðum höndum frekar en aðrir. Ég er uggandi um framhaldið.

Nú sitja í það minnsta allir við sama borð ef kosið verður í maí, svo nú sér maður kannski eitthvað gerast. Maður er bara hræddur um að loforðin sem gefin verða á næstu dögum verði svikin. Ég mun að óbreyttu kjósa Frjálslynda næst, því það er eini flokkurinn sem ég hef ekki séð ganga á bak orða sinna til þessa.

Stjórnarsamstarfi lokið