Dýpri rætur... Mun dýpri rætur...

Ég tel að kreppan eigi sér nú mun dýpri rætur en svo að Geir verði kennt um það að hafa valdið hruninu á heimsvísu. Hann á kannski sök á kreppunni hér heima í takt við aðra Sjálfstæðismenn með dyggir hjálp Framsóknarmanna með óvarfærnum ákvörðunum í einkavæðingarátt.Þó held ég að Davíð Oddsson og Friðrik Sóphusson eigi þar stærri sök en Geir.

Ég kenni auðvaldsstefnu og einkavinavæðingarstefnu ríkisstjórna Sjálfstæðisflokksins og Framsóknarflokksins til margra ára um kreppuna hérlendis. Salan (gjöfin) á SR Mjöli er með því fyrsta., Salan (gjöfin) á Áburðarverksmiðjunni í Gufunesi, Úthlutun Fiskveiðiheimilda (Kvótinn) og svo koll af kolli.

Nú þegar Kvótinn er kominn í 98% eigu ríkisins aftur vegna veðsetningar kvótans í bönkum, þá vill Geir selja hann aftur einkaaðilum á brunaútsölu. Hann vill líka selja bankana aftur til einkaaðila þrátt fyrir allt. Það er ekki einu sinni búið að rannsaka hrunið þegar Sjálfstæðismenn vilja selja auðmönnunum þá aftur.

Ég kenni líka þeim um sem hafa verið ötulir við að ræna Ísland... Slíkir menn heita Jón Ásgeir Jóhannesson, Hannes Smárason, Bjarni Ármannsson, Finnur Ingólfsson, Halldór Ásgrímsson og margir fleiri eiga heima á þeim lista.

Við hefðum getað staðið upprétt og horft á kreppuna allt í kringum Ísland, en hún hefði aldrei þurft að koma hingað. Kreppa alheimsins er ekki nokkrum einasta Íslendingi að kenna. Ekki einu sinni Björgólfi eða Jóni Ásgeiri... Hvað þá Geir.

Geir Haarde sagður ábyrgur fyrir hruninu

Hvað kostar hver fangi?

Þegar horft er til þess að hver fangi kosti samfélagið um kr. 150.000.- á dag þegar hann situr inni, má þá ekki búa til vinnu handa honum í stað þess undir lok afplánunar?

Það er örugglega betra að hann geri gagn utan múranna þar sem hann aðlagast samfélaginu, heldur en að láta hann dúsa inni og kosta ríkið 150.000 á dag fyrir að sitja þar.

Þó nú sé atvinnuleysi eru mörg störf óunnin sem fangar myndu örugglega frekar vilja vinna í stað þess að dúsa í fangelsi.

Áfangaheimilið Vernd hefur löngu sannað gildi sitt. Fangar  sem ekki hafa vinnu geta til dæmis þrifið landið, gróðursett, málað yfir veggjakrot, lappað upp á hús í niðurníðslu sem eru í eigu ríkisins og ýmislegt fleira.

Í dag er föngum veitt dagsleyfi við og við frá fangelsisdvölinni. Helgarleyfi er eitthvað sem ég sé fyrir mér. Enda eiga margir þeirra fjölskyldur.

Spurningin er hvernig við viljum að fangar séu þegar þeir koma aftur út í samfélagið. Viljum við fá niðurnídda einstaklinga sem hafa hvergi höfði sínu að halla, skítblankir og atvinnulausir, eða viljum við að þeir séu reiðubúnir að takast á við lífið og samfélagið á okkar forsendum?

Ég mælist til þess að ríkið og sveitafélögin skaffi þessu fólki það viðurværi sem til þarf svo það geti dvalið á áfangaheimilinu Vernd áfram. Það er afar mikilvægt að mínu mati.

 

Dvöl fanga á áfangaheimili í uppnámi

Rannsókn á hendur Bjarna Ármannssyni.

Mér þykir týra að ekki sé í gangi viðamikil rannsókn á hendur Bjarna Ármannssyni vegna þessara viðskipta og ýmissa annarra. Menn hafa verið rannsakaðir af minna tilefni.

Bjarni nýtti kaupréttarsamning dagsettan 01.03.2003 til að kaupa 15.000.000 hluti í bankanum á rúmlega tíföldu gengi.

Enginn gætti hagsmuna annarra hluthafa, en segja má að þeirra hlutur hafi rýrnað um sem nemur hagnaði Bjarna af viðskiptunum. Þeir sem áttu í bankanum þegar samningurinn var gerður hljóta að vera mis sáttir rétt eins og Vilhjálmur Bjarnason. Ég væri það.

Bjarni semsagt kaupir fyrir opnun markaða þann daginn hlutabréf fyrir kr. 4.150.000.- og selur bankanum þær aftur á kr.423.000.000.- og fær hann inn á reikning kr. 380.850.000.- eftir að skatturinn hefur fengið sitt. Þetta var gert fimm árum eftir að samningurinn var undirritaður.

Mér finnst rangt að Vilhjálmur fái fjárhagsbætur vegna þessa. Bankinn ætti kannski frekar að greiða Vilhjálmi skaðabætur.

Ég er á þeirri skoðun að Bjarni Ármannsson eigi að skila þessum peningum með vöxtum og vaxtavöxtum til bankans, því ég lít á þetta sem þjófnað. Í raun ætti það aðeins að vera forsmekkurinn af því sem hann ætti í vændum.

Þessi kaupréttarsamningur tryggði það að ef fyrirtækið vex og dafnar á samningstímanum, þá getur Bjarni nýtt sér það til að taka fé út úr bankanum á hærra gengi, og rýra hlut annarra.

Ef hinsvegar fyrirtækið dregst saman, þá hefur Bjarni það val að gera ekki neitt. Þetta er því alger einstefnusamningur sem gefur Bjarna kost á að hagnast ef honum þóknast svo á kostnað annarra.

Þetta er svipað og að vera að spila póker með skjá fyrir framan sig þar sem maður horfir á spil andstæðinganna, en þeir sá ekki spilin hjá manni sjálfum.  Engin áhætta, og maður leggur spilin á borðin þegar það hentar manni hverju sinni, og rýrir hlut hinna.

Af hverju er Björn Bjarnason dómsmálaráðherra ekki að rannsaka þennan mann? Af hverju hefur Bjarni Ármannsson ekki verið handtekinn? Skildu vera hagsmunatengsl þarna eða kunningsskapur? Af hverju kemst hann upp með að lifa í vellystingum erlendis og komast á forsíður íslenskra blaða fyrir að hlaupa marathon sem Norðmaður?

Ja... maður spyr sig.

Glitnisdómur umdeildur

Frábært Hörður. Tek orð mín til baka þar með.

Hörður Torfason nánast kominn á þann stall sem hann var áður en hann hraunaði yfir Geir H. Haarde. Hann hefur beðist afsökunar og vonandi er það af hans sannfæringu, en ekki einungis vegna þrýstings frá bloggheimum.

Takk fyrir þetta Hörður. Þú ert maður að meirum.

Ef þú lest þetta Hörður, þá hvet ég þig til að breyta áherslum í kröfum þínum á þá lund að erlendir aðilar verði fengnir til að rannsaka bankahrunið og þjófnaðina sem þar áttu sér stað.

Ef þú lest þetta Hörður, þá hvet ég þig einnig til að krefjast handtöku og yfirheyrslu þeirra auðvaldsseggja sem að málinu komu. Mín krafa er að þeir sem ekki geta svarað öllu tæpitungulaust eigi að sitja í gæsluvarðhaldi á meðan á þeirra málum er tekið því þeir eru vafalaust á fullu að moka yfir skítinn, eyða gögnum og koma fénu undan.

Gangi þér allt í haginn Hörður og stattu þig. Passaðu þig bara og mundu að aðgát skal höfð í nærveru sálar. Það ættir þú að vita manna best.

Baðst afsökunar á ummælum

Þar skaustu þig í fótinn Hörður.

Hörður. Þetta var nú óþarfi. Það er ekkert grín að fá illkynja krabbameinsæxli. Skammastu þín Hörður Torfason.

Ég er ansi hræddur um að margir muni snúast gegn þér núna og það hef ég gert. Þú hefur sjálfur dregið þitt einkalíf og samkynhneigð fram í dagsljósið í tíma og ótíma.

Það að Geir sé forsætisráðherra og hafi greinst með illkynja æxli sem getur verið banvænt kemur allri þjóðinni við. Þér líka Hörður.

Þú ættir að skammast þín. Þú hefur að hluta til staðið þig vel með þínum áherslum á mótmælafundum, en mér finnst þú alveg meiga slaka á óvinsamlegum áherslum og einbeita þér að því að láta draga óheiðarlega auðvaldsseggi til ábyrgðar, frekar en að æsa múginn þannig að hann fari að skemma og meiða lögreglumennina okkar.

Það vilja margir of oft gleyma því að lögreglumennirnir eru fólk eins og við, eiga sínar erlendu skuldir og eru í húsnæðisvanda rétt eins og ég og þú Hörður.

Ég er ekki stuðningsmaður sjálfstæðismanna eða ríkisstjórnarinnar að svo stöddu, en nú er mér ofboðið.

Skammastu þín og biddu Geir fyrirgefningar á óvinsamlegum og óforskömmuðum orðum þínum.

Til þess tíma er þú gerir það mun ég ekki styðja þig. Þvert á móti mun ég vinna gegn þér ef þú ætlar að hegða þér svona.

Hænuskref í rétta átt

Merkileg afstaða Páls Magnússonar...

Ef ég man rétt talaði Páll Magnússon núverandi útvarpsstjóri Ruv á sínum tíma um að það væri bæði ósanngjarnt og sennilega ólöglegt að viðhalda auglýsingum á ríkisfjölmiðli í óbreyttri mynd.

Ekki síst vegna óhagstæðra samkeppnisskilyrða þar sem Rúv er einnig á ríkisfjárlögum auk afnotagjalda, síðar nefskatts.

Það er annað hljóð í skrokknum núna, en svo virðist sem Páll sé reyðubúinn að verja auglýsingasjónamiðið Ruv til handa, þrátt fyrir það ástand sem ríkir á fjölmiðlamarkaði í dag.

Það væri gaman að fá að heyra frá honum í hverju þessi stefnumarkandi breyting á sjónarmiði hans fellst. Það er ekkert smá. Alger kúvending

Ég skora því á Pál að standa fyrir máli sínu. Páll... Hvað gerðist?

Fái ekki flýtimeðferð

Jólasveinar ganga um Gólf.... Eða hvað?

það er svo skrítið að þegar fólk fattar eitthvað málfarslega rangt í móðurmálinu er eins og þjóðin skiptist í tvo hluta, með eða á móti vitleysunni, rétt eins og þegar danska sagnorðið "að ske" var sem mest að plaga þjóðina í kring um 1990, en þjóðin er enn að þrátta um gildi þeirrar sagnar nú um það bil 20 árum síðar.

 

Það er kominn tími til að svipta hulunni af textanum um Jólasveinanan sem ganga um gólf og vona ég að sem flestir sjái sér fært að dreifa þessu svo menn geti hætt að syngja þetta svona frámunalega vitlaust.

 

Ath. Myndin er ekki af Stekkjastaur. Þessi Jólasveinn heitir líklega JólaGlöggur.

 

Upphaflegi textinn er svona:

Jólasveinar ganga um gátt, með gildan staf í hendi.

Móðir þeirra hrín við hátt, og hýðir þá með vendi.

Upp' á hól, stend ég og kanna.

Fjórtán nóttum fyrir jól, þá fer ég til manna.

 

Talið er að "upp á hól" hafi komið til vegna þess að menn til forna fóru janfan á hæsta punkt umhverfisins til að gá til veðurs, og til að finna vindinn. Því hafi Stekkjastaur farið upp á hól til að kanna með veðurhorfur fyrir ferðalagið, en hann leggur fyrstur af stað og syngur því lagið.

Hvað næturnar 14 varðar eru jólasveinarnir 13, og Stekkjastaur syngur því "fjórtán nóttum" því þá kemur hann þrettán dögum fyrir jól til byggða.

Menn syngja jafnan 9 nóttum, og kemur það sennilega til vegna annars texta sem segir "Jólasveinar 1 og 8", en þar er einnig rangur misskilningur á ferðinni ef svo má að orði komast. Sá texti hefur að öllum líkindum í upphafi verið "Jólasveinar, 5 og 8", sem gerir þá einmitt 13 að tölu.

 

Lifið heil. Ofur Baldur.

Furðulegt. Alveg stórfurðulegt.

Skjöldur getur svo sem vel sungið og flutningurinn á tónlistinni gæti örugglega verið verri.

Myndbandið er hinsvegar alveg hræðilegt. Mér finnst ömurlegt að horfa á karlmenn sem eru að reyna að vera konur. Naglalakkaðir, jafnvel í rauðum latexgöllum með fjaðrir út úr eyrunum eins og maður sér stundum. Smekklegt ha.

Bubbi er holdgerfingur karlmennskunnar og það á ekki að drepa niður hans karlmannlegu ímind með svona viðbjóði. Ef þetta er það sem Skjöldur hefur fram til tónlistarmála að leggja, þá vona ég að hann leiti á önnur mið í framtíðinni.

Mér finnst persónulega að hann eigi að halda sínum hommatilburðum út af fyrir sig. það er óþarfi að mínu mati að hafa þetta fyrir börnunum okkar sem við reynum að ala upp í "eðlilegu" umhverfi.

	Bubba finnst ábreiða Skjaldar krúttleg
Ábyrgðarmaður færslu Tenging við þessa frétt hefur verið rofin vegna kvartana.

Fáránlegt. Var ekki verið að selja bankana frá ríkinu?

Ég held að sjálfstæðismenn ættu að tala aðeins meira um það hve hagstætt það sé fyrir alla aðila að einkavæða. Svona fer það stundum þegar gróðasjónamiðin eru allsráðandi.

Um að gera að einkavæða heibrigðiskerfið og Landsvirkjun líka... eða hvað?

Ég er þeirrar skoðunar að þeir sem stefndu Glitni út í þessa vá eigi að bera ábyrgð. Ef ríkið kaupir með þessu móti á það að kaupa bankann með húð og hári en ekki að hluta. Skömm er að.

Geta treyst styrk Glitnis áfram

Stafsetningavillur á mbl.is - taka 2

Hvernig er það? Eru barnaskólakrakkar að skrifa greinar fyrir mbl.is? Sá sem skirfaði þessa grein virðist ekki vita hve mörg "n" eru í Kristinn. Sá hinn sami skrifar ýmist Kristin eða Kristinn.

Það er æ algengari sjón á síðum mbl.is að ranglega er farið með stafsetningar. Þeir ættu að fjárfesta í Villupúkanum.